რენტგენის გადაღება და კვლევები

როგორ გამოვიძახოთ რენტგენი სახლში?

რენტგენის გამოძახება მობილმედში მარტივი პროცესია, რომელიც მოიცავს სამ ძირითად ეტაპს:

1. დაგვიკავშირდით ან შეავსეთ ონლაინ ფორმა მობილმედის ვებგვერდზე
2. მიუთითეთ ზუსტი მისამართი, საკონტაქტო ინფორმაცია და სასურველი ვიზიტის დრო
3. წინასწარ დაჯავშნეთ სერვისი, რათა წინასწარ ჩანიშნოთ ვიზიტი თქვენთვის მოსახერხებელ დროს. გადაუდებელი შემთხვევებისთვის, მობილმედი ფუნქციონირებს 24/7 რეჟიმში.

რენტგენის გამოძახების ონლაინ ჯავშნის სისტემა გაძლევთ შესაძლებლობას წინასწარ დაგეგმოთ პროცედურა და თავიდან აიცილოთ უსიამოვნო ლოდინი.

რა შემთხვევებშია რეკომენდებული ბინაზე გამოძახება?

ბინაზე გამოძახება რეკომენდებულია იმ შემთხვევებში, როდესაც კლინიკაში მისვლა პაციენტისთვის დიდ დისკომფორტთან ან დამატებით პრობლემებთან არის დაკავშირებული. მაგალითად, მოტეხილობაზე ეჭვის დროს ან მწოლიარე და ხანდაზმული პაციენტებისთვის, რომლებსაც გადაადგილება უჭირთ. ასევე, ფილტვების რენტგენის საჭიროების შემთხვევაში, განსაკუთრებით სასუნთქი გზების მწვავე ინფექციების დროს. ეს სერვისი კომფორტული გამოსავალია ბავშვებისთვისაც, რომლებსაც კლინიკის გარემო სტრესს უქმნის, და იმუნოკომპრომეტირებული პაციენტებისთვის, ვისთვისაც საზოგადოებრივი სივრცეებში ყოფნა დამატებითი რისკის შემცველია.

სახლში რენტგენის სერვისი საშუალებას გაძლევთ მიიღოთ სამედიცინო დახმარება მაქსიმალურად კომფორტულ პირობებში, დაზოგოთ დრო და ენერგია, რომელიც კლინიკაში ვიზიტს სჭირდება.

და რაც ყველაზე მთავარია, ექიმის გამოძახება  გეხმარებათ მიიღოთ კომპლექსური სამედიცინო დახმარება სახლიდან გაუსვლელად.

როდის არის საჭირო დიაგნოსტიკა?

რენტგენოლოგიური გამოკვლევა წარმოადგენს ეფექტურ მეთოდს მრავალი პათოლოგიის გამოსავლენად. ძირითადი მდგომარეობები, რომელთა დროსაც რეკომენდებულია პროცედურის ჩატარება არის:

• ძვლების მოტეხილობები, ბზარები და ტრავმული დაზიანებები
• სახსრების პათოლოგიები (ართრიტი, ართროზი, სახსრების დეფორმაციები)
• ფილტვების დაავადებები (პნევმონია, ტუბერკულოზი, პლევრიტი)
• გულის გადიდება და გულ-სისხლძარღვთა სისტემის პათოლოგიები
• უცხო სხეულების აღმოჩენა სასუნთქ გზებში ან საჭმლის მომნელებელ ტრაქტში
• სინუსიტი და ყურ-ყელ-ცხვირის პათოლოგიები
• კბილების და ყბის პრობლემები

რენტგენის გადაღება წარმოადგენს პირველი რიგის კვლევას ბევრი კლინიკური მდგომარეობის დროს. მისი მეშვეობით შესაძლებელია სწრაფად და ეფექტურად მოხდეს პრობლემის იდენტიფიცირება და შემდგომი მკურნალობის სტრატეგიის განსაზღვრა.

უსაფრთხოების საკითხები – რა უნდა იცოდეთ?

ბევრ პაციენტს აინტერესებს, რამდენად უსაფრთხოა რენტგენი. მობილმედში გამოყენებული თანამედროვე აპარატურა მინიმუმამდე ამცირებს რადიაციული დასხივების დონეს, რაც სრულიად უსაფრთხოა ადამიანის ჯანმრთელობისთვის.

კლინიკის პროფესიონალური რენტგენი  აკმაყოფილებს ყველა საერთაშორისო უსაფრთხოების სტანდარტს. პროცედურის ჩატარებისას, სპეციალისტები კი იცავენ ყველა აუცილებელ უსაფრთხოების ზომას როგორც პაციენტისთვის, ასევე მის გარშემო მყოფი პირებისთვის.

ერთჯერადი რენტგენოლოგიური გამოკვლევა არ წარმოადგენს საფრთხეს ჯანმრთელობისთვის. მნიშვნელოვანია გვახსოვდეს, რომ თანამედროვე აპარატურა ემისიას ახდენს მხოლოდ კვლევის წამიერი პროცესის დროს, რაც მინიმუმამდე ამცირებს რადიაციის რისკებს.

რატომ უნდა აირჩიოთ მობილმედი?

მობილმედი გთავაზობთ რენტგენის ბინაზე გამოძახების უნიკალურ უპირატესობებს, რაც გულისხმობს გამოცდილი და სერტიფიცირებული რადიოლოგების მომსახურებას, დეტალურ და ზუსტ დიაგნოსტიკას, მოქნილ განრიგს, რომელიც საშუალებას გაძლევთ წინასწარ დაჯავშნოთ სერვისი. მომსახურება ხელმისაწვდომია თბილისის ნებისმიერ უბანში, ხოლო კვლევის შედეგები სწრაფი და ამომწურავია. 

ჩვენთვის მნიშვნელოვანია თითოეული პაციენტის კომფორტი, ამიტომ მომსახურება მორგებულია თქვენს საჭიროებებზე და ითვალისწინებს მინიმალური ლოდინის პერიოდს.

კვლევის ტიპები მობილმედში

მობილმედში შესაძლებელია ისეთი ტიპის რენტგენოლოგიური კვლევების ჩატარება, როგორიცაა:

• ფილტვების რენტგენი – პნევმონიის, ტუბერკულოზის, პლევრიტის და სხვა რესპირატორული პათოლოგიების დიაგნოსტიკისთვის.
• ძვალ-სახსროვანი სისტემის გამოკვლევა – მოტეხილობების, სახსრების დაავადებების და დეფორმაციების გამოსავლენად.
• გულმკერდის რენტგენოგრაფია – გულის პათოლოგიების, აორტის გაფართოების და სხვა კარდიოვასკულარული პრობლემების შესაფასებლად.
• მუცლის ღრუს კვლევა – ნაწლავური გაუვალობის, პერფორაციის ან უცხო სხეულების გამოსავლენად.
• თავის ქალის რენტგენოგრაფია – თავის ტრავმების, სინუსიტის და სხვა პათოლოგიების დიაგნოსტიკისთვის.
• ხერხემლის სხვადასხვა სეგმენტის გამოკვლევა – ოსტეოქონდროზის, სპონდილოზის, მალების მოტეხილობების და სხვა დაზიანებების შესაფასებლად.

ასევე ხელმისაწვდომია ულტრაბგერითი დიაგნოსტიკა მობილმედში, კომპლექსური სამედიცინო შეფასებისთვის.

პროცედურისთვის მომზადება და მიმდინარეობა

რენტგენის გადაღების წინ განსაკუთრებული მომზადება არ არის საჭირო. თუმცა, რეკომენდებულია გაითვალისწინოთ რამდენიმე მარტივი წესი: მოიხსენით ლითონის ნივთები (სამკაულები, საათი, ქამარი ლითონის ბალთით) იმ სხეულის ნაწილიდან, რომელზეც ჩატარდება კვლევა. აცნობეთ სპეციალისტს ორსულობის შესახებ ან ორსულობაზე ეჭვის არსებობის შემთხვევაში. შეატყობინეთ წინასწარ, თუ გაქვთ ჩატარებული სხვა რენტგენოლოგიური კვლევები ბოლო პერიოდში და არსებობის შემთხვევაში გაუზიარეთ ინფორმაცია ქრონიკული დაავადებების შესახებ.

პროცედურა ტარდება მინიმალური დისკომფორტით. გამოკვლევა უმტკივნეულოა და ჩვეულებრივ გრძელდება 5-15 წუთის განმავლობაში, ტიპიდან გამომდინარე. ჩვენი კლინიკა თბილისში და ბათუმში  მოგაწვდით სრულ და დეტალურ ინფორმაციას პროცედურამდე.

შედეგების მიღება და ინტერპრეტაცია

რენტგენის გადაღების შემდეგ, შედეგებს აფასებს გამოცდილი რადიოლოგი. დიაგნოსტიკური სურათები ანალიზდება დეტალურად, რის შემდეგაც მზადდება პროფესიონალური დასკვნა. მობილმედში შესაძლებელია შედეგების მიღება უშუალოდ პროცედურის შემდეგ, რაც საშუალებას გაძლევთ დაუყოვნებლივ განიხილოთ შემდგომი სამკურნალო გეგმა.

კომპლექსური დიაგნოსტიკა ჩვენთან

გარდა რენტგენოლოგიური კვლევებისა, მობილმედი გთავაზობთ კომპლექსური დიაგნოსტიკის შესაძლებლობას. ჩვენთან ხელმისაწვდომია: დოპლერი სახლში გამოძახებით – სისხლძარღვების მდგომარეობის შესაფასებლად, ელექტროკარდიოგრაფია – გულის ელექტრული აქტივობის მონიტორინგისთვის, ლაბორატორია გამოძახებით – სისხლისა და სხვა ბიოლოგიური მასალის ანალიზებისთვის, ლარინგოლოგიის სერვისი – ყელ-ყურ-ცხვირის პრობლემების დიაგნოსტიკისთვის.

კომპლექსური დიაგნოსტიკა საშუალებას გაძლევთ მიიღოთ სრული სურათი თქვენი ჯანმრთელობის მდგომარეობის შესახებ. დიაგნოსტიკის შემდეგ, შესაძლებელია სამკურნალო პროცედურების ჩატარებაც, მათ შორის გაიგებთ თუ  რა არის ფიზიოთერაპია მობილმედში და რატომ არის აუცილებელი აღდგენითი მკურნალობისთვის.

პრევენციული გამოკვლევები

რენტგენი ფართოდ გამოიყენება არა მხოლოდ დაავადებების დიაგნოსტიკისთვის, არამედ პრევენციული მიზნებისთვისაც. რეგულარული ფილტვების რენტგენი რეკომენდებულია რისკ ჯგუფების წარმომადგენლებისთვის, როგორებიც არიან: მწეველები. ტუბერკულოზით დაავადებულთან კონტაქტში მყოფი პირები,  პროფესიული რისკ-ჯგუფების წარმომადგენლები (მაღაროელები, სამშენებლო ინდუსტრიაში მომუშავეები), ქრონიკული ფილტვის დაავადებების მქონე პაციენტები.

პრევენციული რენტგენოლოგიური კვლევა საშუალებას იძლევა ადრეულ ეტაპზე გამოვლინდეს მრავალი პათოლოგია, როდესაც მკურნალობა გაცილებით ეფექტურია.

სერვისი ბათუმში